Faamaonia mai ele minisita o le soifua maloloina I Niu Sau Uelese, Brad Hazzard e leai nisi tagata ua faamauina o toe aafia mai I le koviti 19 mai le komiuniti I totonu o le 24 itula seia faagata I le ta o le 8 I le po anapo.
E ui e lua isi tagata o loo faamauina ua aafia mai ia I latou na malaga mai I totonu o Niu Sau Uelese ma faanofoesea ai I faletalimalo. Fai mai le minisita e silia ma le 18 afe tagata I le setete na agai ane e faia siaki I le aso ananafi.
O le vaiaso nei foi ua faalauiloa ai e le premier o Niu Sau Uelese, Gladys Berejiklian ua vaavaai I le aso 23 o Novema e toe tatala ai le tuaoi o Niu Sau Uelese ma Vitoria o lona uiga ua avanoa ai ma tagata e asia nai o latou aiga ua tele aso na valavala ai ona o sa o le koviti 19.
