A o faaauau ai pea ona leai se taunuuga o tetee i le va o junior doctors ma le matagaluega i totogi, o lea ua fai mai fomai e lē o taliaina galuega ta’i 15 itula i Aso Toonai ma Aso Sa.
O le Asu Sa a sau nei, 16 o Iuni e amata aloaia ai le suiga lea ua fai mai ai junior doctors e lē toe taliaina ai ni sifi ta’i 15 itula i Aso Toonai ma Aso Sa, ae o le a suia mai i le na o le ta’i 8 itula i le aso.
Ua ta’ua ai i lipoti a le leitio a Niu Sila le faanoanoa o le Health New Zealand i le tali mai a le iuni, lea e foliga mai e lē o taliaina fautuaga na aumai e le Employment Relations Authority e taofia le tumau ona tetee o loo faia pea nei seia uma ona palota sui i le ofo o totogi ua aumai.
O le pupuu o sifi faigaluega i faaiuga o vaiaso, ua sau i le mae’a o tetee e tolu na faia e sui o loo i le iuni ona lava o le lē fiafia i totogi ma taiala o loo limata’ita’iina ai auaunaga a junior doctors.
Puna o Faamatalaga: https://www.rnz.co.nz/news/national/519056/junior-doctors-to-reduce-sunday-hours-as-industrial-action-rolls-on
