Ua leai mai le Palemia i tala e ono suia le lanu o le mōlī o loo taiala ai Niu Sila ma puipuiga o le Koviti. 

A o iai Niu Sila i le mōlī lanu moli i le taimi nei ma cases o le Koviti ua toe agai i luga, ua faamautinoa e Jacinda Ardern e le o iai se faamoemoega o le see o Niu Sila i le mōlī lanu mūmū. 

Ua saunoa ai le Palemia o le gaioiga sili lava i le taimi nei o le faaaogā o ufifofoga ma agai e faia tui o le Koviti, ma afai foi ua agavaa mo le booster lona lua o loo fautuaina le tatau ona faia mo tagata Maori ma Pasefika. 

Ua sau ai foi ma le fesili pe lē faamata ua tatau ona toe faatapulaa le fuainumera o tagata e mafai ona faatasitasi a o toe alu ai i luga cases, peitai mai le Palemia o loo faailoga fesili i le taimi nei. 

Ese mai i le mamafa o le avega a le soifua maloloina ona o le to’atele ua toe aafia i le Koviti faapea ai le fūlū, o loo iai popolega i le to’atele o tagata matutua ua maua i le taimi nei faatusa ia Mati lea na to’atele ai ina aafia tupulaga talavou. 

Mai tagata suesue faapitoa ua o latou vavalo e ono toe mōlī lanu mūmū Niu Sila i vaiaso o i luma ona o le toe alu i luga o cases faamaonia e pei ona sau ai le lipoti ananafi e 9,629 cases fou i le komiuniti.