Leaga le vaaiga o fanau iti faapea ai ma faiaoga I le Pitter Patter Education Centre

Ua faailoa e matua ma faiaoga na iai muamua I le aoga amata a Pitter Patter Education Centre, e fafaga fanau I meaai mafu, tafasi ma loka I potu pe a le usitai

O le masina talu ai na tapunia ai mo le tolu vaiaso lenei aoga amata I Manawatu ae faagasolo suesuega a le matagaluega o aoga e tusa ma faitioga a matua ma faiaoga, ma e faapea na tutupu I totonu o le lima tausaga

E ui ua toe tatala le aoga, ae e le o muta suesuega a le matagaluega o aoga faapea ai ma faitioga ua faaulu atu nei I le ofisa o leoleo

O nisi o matua ua faailoa I tala a le leitio Niu Sila, latou te le I talitonuina faamatalaga a fanau ina ua talanoa atu sa faaoolima iai le tamaitai pule, Pauline Murphy, ma o ia lava lea e toatasi o loo faitio iai matua faapea ai ma I latou na faiaoga muamua I le Pitter Patter

Ae mai faiaoga ua faailoa e le gata o le tafasi o le fanau, ae faapea ai foi ma le leaga ona fai o lana aufaigaluega

O le toe tatala o le aoga amata I le amataga o le vaiaso nei, ua faateia ai le latalata I le luasefulu o matua ma faiaoga na ripotia lenei tamaitai pule I le matagaluega o aoga

Ae mai le matagaluega, o lea ua toe tatala ae tuu atu iai le taimi e toe faaleleia ai tulaga na faaletonu, ae le’i toe asia mo iloiloga a le matagaluega I le masina fou

Tuufaatasia tala o le taeao o loo alualu pea I luga le fuainumera o matua ma faiaoga ua ripotia Pauline Murphy e le gata I le matagaluega o aoga, ae faapea le faaulu o tagi I le ofisa o leoleo E leai se fesootaiga o le aoga amata lenei ma aoga amata I Aukilani lea foi ua seia laisene ona o le le lelei o le vaaiga o le fanau

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required