Na leaga le afi o le vaa a le militeli a Niu Sila lea na alu ma le uta faapea ai tagata galulue mo Vanuatu.

O le mumū mai o le mōlī e lapata’i ai le ono mu o le afi o le vaalele, o le mafuaaga lea na toe liliu mai ai le Air Force Hercules ma o lea na moe i Noumea i Niu Kaletonia anapo.

E 10 tone le mamafa o le uta na alu ma le vaa lenei sa faamoemoe e tulaueleele anapo i le ‘afa o le valu i Port Vila, peitai o lea ua faatuai.

Fai mai ai o le taeao nei e toe alu ai le isi vaalele lona lua e faaauauina le faigamalaga, e ese ai le isi Hercules o loo o ai le aufaigaluega a le matagaluega a le va i fafo faapea le vaalele 757 e fesoasoani e faafoi ai turisi ua poloka nei i Vanuatu ona o lea o loo tapunia pea le malaevaalele mo faigamalaga a vaalele se’ia vaganā ai vaalele o loo feoa’i atu mo uta faamomoli ma galuega lavea’i.

Puna o Faamatalaga: Vanuatu quake: NZDF Hercules diverted after engine fire warning