E faigofie lava le fautuaga na tuuina e se tasi o alo iloga o Samoa ma Niu Sila I le faagatama o le lakapi I lona alo ile faaiuga ole vaiaso ae na mataina ma tele se fesoasoani na maua ai mo le au a le atunuu le all blacks e pei ona maimoaina I le taaloga lona lua o le Bledisloe Cup.

Na fesiligia le alii talavou o Caleb Clarke e le au tusitala a le stuff.co.nz ile maea ai o le taaloga e uiga ise fautuaga mai lona tama, o Eroni, ae na faailoa e Clarke ole fautuaga ia taalo e maua le fiafa, momo’e malosi ma fesoota’I ma tama taaalo uma o lana au.

E tulaga maualuga le finau a lea alo o Samoa ile taaloga mae toatele foi ua talitalia leisi taaloga e sosoo ai ole Bledisloe I se tali o le tele o matematega ma taua o mafaufauga ua iai nei foi I leisi fetauiga a le Wallabies ma le All Blacks.

 Lipotia i lipoti a le au faasalalau ole taaloga sa aualofa atu le alii o Caleb I le tuaa o lona tama e lei leva atu nei ona faiilagi le folauga.