E le o toe mamao faailoa mai le aso e mafai ai ona toe talia le faimalaga mai o tagata Niu Sila o loo I atunuu I fafo e aunoa ma le tau faia o bookings I nofoaga faanofoesea

O I latou nei o loo faatali mai pea I se aso mautu mai le malo talu mai na toe sui I le faaiuga o Fepuari le tolopo o le tatala o tuaoi o Niu Sila ona o le Omicron

I ripoti e le o faigofie I le toatele ona o nisi ua uma ona faamavae mai galuega toe faatau fale o loo nonofo ai ma le faamoemoe e omai

Ae mai le tamaitai palemia Jacinda Ardern o loo tumau pea fuafuaga mo le faaiuga o Fepuari ma poo le isi lua vaiaso o I luma o le a faamautinoa mai ai le aso

O pasese nei o le a le moomia le o I nofoaga faanofoesea ae faanofoesea I o latou aiga, ma o tagata Kiwi o loo I Ausetalia lea o le a ave iai le faamuamua ae e le I tatalaina I pasese mai isi atunuu

Ae mai ia Professor Michael Baker o le tagata suesue faapitoa ua ia lapatai e ono mo se le tumau lea saolotoga o le a le tau faanofoesea ai pasese mai fafo ma e tatau ai pea I le malo ona tatala nofoaga o loo faaaoga ma nofoaga faanofoesea ina nei tei ua toe sau se isi vairusi malosi