E toatele tagata e lē o toe taumafa vai suamalie poo fizzy drinks pe afai ae faapipii iai lafoga.
O le tali lea ua sau ma se tasi o suesuega fou na faia i Amerika, ma ua finau mai ai tagata o le soifua maloloina i Niu Sila nei, e aoga le faia o lafoga.
E silia ma le kuata o fanau iti Kiwi e fiafia i vaiinu suamalie.
O le suesuega na faia na fua i luga o le 33% faaopoopo ua alu ai i luga vaiinu suamalie i le malo tele, ma na maua ai le sau i lalo o vaiinu suamalie na faatau e tagata.
A o fai mai ai nisi o le soifua maloloina o se faiga lelei le faaopoopo o le lafoga i luga o vaiinu suamalie, e lē o se faiga a mea o ave iai le faamuamua a le minisita o le soifua maloloina Shane Reti ma le faigamalo.
E tusa ma le 50 atunuu e aofia ai nisi mai le Pasefika o lea ua faia a latou sugar tax, peitai e foliga mai e lē o mulimuli ai Niu Sila i le taimi nei.
