E foliga mai ua tuai le faaiuga a le malo mo le toatele o fanau aoga o Aukilani I Saute
Ao tapena le toe foi o vasega 11, 12, ma le 13 I le Aso Lua o le vaiaso a sau, ua lapatai nisi o puleaoga o aoga maualuluga I Aukilani I Saute I le le toe foi mai o le toatele o fanau
Mai le puleaoga o Tangaroa College I tala a le TV1, toeititi 40% o fanau aoga o le vasega i’u poo le 13 o lea ua galulue o essential workers e fesoasoani ai I aiga
O le kolisi lenei e tusa ma faamaumauga I le tausaga talu ai, 25% na faaitiitia ai fanau toe foi atu I le maea ai o le lockdown ma I le vaai a le puleaoga o le tulaga foi lea o le a toe oo iai
O le molimau foi lea a le puleaoga o le Manurewa High School
I ripoti o le toatele o fanau aoga o lea ua maea fesootai atu I ia kolisi e le foi ane I le vaiaso fou
