Covid Vaccine

Le toe faatagaina faiaoga i lotoa o aoga pe a le faia le tui

O le faiaoga e oo atu i le aso 15 o Novema e le i faia lava se tui, o le a le talia i totonu o lotoa a aoga

O lea ua maea faatulaga e le malo le aso 15 o Novema e tatau ona oo atu iai ua uma tui muamua o faiaoga uma aofia ai ma faiaoga o aoga amata

Peitai, sa le i manino pe faamata e mafai pea ona galulue nei faiaoga seia oo i le aso muamua o Ianuari 2022 lea e faagata ai le tui lona lua 

Peitai ua faamaonia mai e le matagaluega o aoga, o faiaoga uma e oo atu i lea aso e le i faia le tui muamua o le a le talia i totonu o lotoa a aoga mai le aso 16 o Novema, ma afai ae fosi i le maso o le a molia loa i le tulafono

O faiaoga foi o le a tetee i le faailoa o faamaoniga na faia tui, o le a faitauina e le i faia se tui 

Ae mo faiaoga o le a le mafai ona faia tui ona o mafuaaga tatau e tatau ona vave faamautinoa ma faaali faamaoniga i puleaoga ae e le i oo i le aso 15 o Novema

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required