Ua le faataunuuina le tele o taotoga na fuafua e faia I falemai tetele e lua I Aukilani ona o le le lava o le au faigaluega faatasi ma le alu I luga o cases o le Koviti

O lea faaiuga na faia I le fonotaga na faia ananafi ma ua aafia ai le faitau selau o tagata

O le falemai I Greenlane o lea ua fuafua o le a auina atu nisi ona tagata e fesoasoani I le falemai tele I Aukilani, ma o lea ua le oo le tele o taotoga 

I Greenlane lava o le aso a taeao toeitiiti taotoga uma na faatulaga o lea ua toe faaleaogaina

Ae mo Aukilani, amata atu I le aso e na o taotoga o loo I lalo o le P1 ma le P2 o le faataunuuina pea, poo taotoga nei e aofia ai le kanesa e moomia vave le aveese

Mai le pulega a le DHB I tala a le Herald o le utiuti o tausimai le isi mafuaaga o le faaiuga

Ua sau ai ma le valaau I gasegase uma na faatulaga appointments e agai mai pea I le falemai seia vagana na fesootai atu e toe tuu I tua