Search
Midlemore Hospital

Le sa’o ona fai le faaiuga o le siigamai mai Fiti

Sa le tatau lava ona talia le siiga ma’i mai Fiti

O lea na sau tala I le faaiuga o le vaiaso I le faanofoesea o se tasi o tagata faigaluega I le falemai I Middlemore I Aukilani sa fesoasoani I togafitiga o le gasegase mai Fiti lea na toe suia le faaiuga ma aumai ai I le po o le Aso Tofi talu ai

O lea tagata na vave faanofoesea mo le faaeteetega ona e le I mautinoa le malu atoatoa o ofu mo puipuiga na faaaoga I le taimi na feagai ai ma le tagata ma’i

Ua faitioina ai e Des Gorman o le polofesa o le Iunivesite o Aukilani le aumai o lea gasegase, muamua o le ono lamatia ai o tagata Kiwis, aemaise ua foliga mai ai ua le tutusa ma isi tagatanuu o Fiti la e tigaina I le Koviti ao lea ua aumai faapitoa lea tagata ona e maualuga lona tulaga I lalo o galuega a malo aufaatasia, poo le United Nations

O Fiti na ripotia mai I le Aso Toonai e 1121 ana cases fou, ae ua 238 tagata ua maliliu e oo mai I lea aso ona o le Koviti

O le le fiafia o le alii polofesa na ia toe faatepa ai foi I le vave o le pepesi o le Koviti o loo pagatia ai nei Ausetalia, toe tuu mai ia Niu Sila o lea e le I faia tui o le 85% o o tatou tagata

E le na o le alii polofesa e le o auai I le faaiuga ua iai, o lea lava foi na toe faailoa e se tasi o fomai sinia I tala a le Newshub, e talitonu ua faapolokiki le faaiuga ua aumai ai le siigamai mai Fiti

I ripoti e le I iloa e fomai faapitoa I le falemai le faaiuga ua faia, ma e iai le talitonuga o lea na sau mai luga le faatonuga, ma o le faaiuga foi na muai teena o lea na toe suia lava

Ua toe gagana lava foi lea fomai sinia, e le I faia uma tui o le aufaigaluega o loo galulue I le vaega o loo gafa ma gasegase tigaina, e oo lava foi I o latou lava aiga

Ua autasi ai le alii polofesa faapea le fomai sinia na toe tautino I tala a le Newshub, ua iai nei le popolega I le aafia o le komiuniti ona o lea siigama’i ma le faaiuga na toe faatatope ona sui

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required