O le Festival, The Longline Classic ua maea ona faatauina uma pepa matamata e 4500, ua le o’o ona o le vavao o loo iai nei Aukilani.
O lea faamoemoe sa faatinoina mo le uluai taimi I le tausaga na tea nei 2020 ma ua maea faatauina uma tickets mo le tausaga nei peitai ua faailoa mai I le aso ua toe faaleaogaina.
Sa fuafua e faatino I le Labour weekend I Gisbourne ma o se faaaliga o musika ma pese ma ua faaailoa e se sui o lea faamoemoe Kurt Barker o se tulaga faanoanoa tele aemaise sa galulue malosi I lenei tausaga mo le tuufaatasia o le polokalame, ma I le maea ai o nisi feutanaiga ma taumafaia e toe fetuunai ua taunuu ai I le faaiuga ua faailoa mai I le aso.
Fai mai a latou afai e faaauau pea ona loka Aukilani o le a faafaigata foi e le toatele o tagata ona faimalaga I Gisbourne ma o se tasi lea o vaega tele o le faaiuga ua faia.
Ua faatulaga foi le toe faafoi o seleni a tagata sa faatauina pepa e auai ai I le festival ma le faamoemoe mo se tala fiafia I le tausaga fou.
