Le mautonu le au fai lafu manu a Niu Sila ona o suiga ua sau ma le Brexit

Ua faaalia le le fiafia ma le popole o le au fai lafu manu I le tete’a o Peretania ma le Iuni a Europa

Ua toe pau lenei o le vaiaso o totoe o feutanaiga o lenei maliega ae le I aloaia I le uluai aso o le tausaga fou le o ese o le United Kingdom mai le Iuni

Ao mamao ai mai Niu Sila le sainiga o lenei tete’a, ua sau ai ma le tulafono fou a le Brexit o le a vaevae le pasene o manufasi o loo auina atu I Niu Sila, 60% o aano o povi o le a auina atu lea I le Iuni a Europa ae alu le 40% o totoe I le UK

O le quota o aano o mamoe o le a vaelua tutusa I le va o le Iuni ma le UK

O Europa ma le UK o loo auina atu iai le tele o aano o manufasi a Niu Sila, peitai o le teteaga o le a aloaia I le Aso Faraile nei o le a aafia ai le saolotoga o loo fefaatauai atu ai aano o manufasi a le au fai lafumanu

I se tali mai a le malo o Niu Sila, o lea  o le a ave le faamua I le faamausailiina o fefaatauaiga a le au fai lafumanu

E le o fiafia le au fai lafu manu a Niu Sila I le suiga o le tele o manu fasi auina atu ma lona vaevaeina, ao paaga faatau I Peretania ma le Iuni a Europa o le a faafaigata ona maua aano o manufasi mai Niu Sila

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required