vaccination-centre

Le mautinoa pe na agai Pasefika ma Maori mo tui

O loo iai le popolega e le o mafai lava e nofoaga tetele ua faia faapitoa mo tuiga ona avea ma auala e tosina atu ai I latou o loo tetee pea I le faia o tui

Ao sau ai tala fiafia I le maea faia o tui o le silia ma le 15,000 o tagata I le faaiuga o le vaiaso talu ai, o loo fesiligia e le alii fomai I Aukilani I Saute, Dr Api Talemaitoga, pe na mafai ona agai atu iai le toatele o tagata Pasefika ma Maori lea o loo maualalalo fuainumera I le faia o tui

I ripoti a le leitio a Niu Sila, ua faailoa ai foi e se tasi o alii suesue, o le toatele o I latou o loo tetee ma talitonu gata I le tui, o loo mananao lava e agai ia latou fomai

O loo lagolagoina e le alii fomai ia Talemaitoga lea manatu, ma na ia taua ai foi e toatele gasegase poo paaga masani a la latou clinic o loo faatalitali I le taimi e faia ai e GP tui

I manatu eseese ma auala o loo taumafai ia momoli ai le feau I tagata Pasefika ma Maori e fai o latou tui, o loo auai le toatele faatasi ma le pulenuu o Aukilani, Phil Goff, o tuiga na faia I le Vodafone o lea na taunuu manuia

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required