Ua faailoa e le alii Peresetene o Amerika, Donald Trump o loo manana’o Kanata i le penefiti o le avea o latou o se setete o Amerika ae lē o avea latou o se setete.
Ua faailoa mai ia tulaga i lipoti a le BBC, ina ua mae’a talanoaga i le va o atunuu e lua ae le’i taunuu i se tulaga lelei.
O le saunoaga lea a Trump ua faia ma ua amata faamamalu ai ma lafoga faaopoopo poo tariffs e 50 pasene lea ua tuuina i nisi o oloa mai Kanata.
E lē gata i lea ae ua faailoa foi e le alii Peresetene e tetele tariffs o le a tuuina i le ‘aufaifaato’aga mo le tele o tausaga.
Ua faailoa ai se finagalo o le Palemia o Kanata, Mark Carney e faapea o ia lafoga fou ua faaopoopo atu o le a mafatia ma fevaevaea’i ai i latou mo le tele foi o tausaga.
Ua folafola ai foi e Carney o le a faapea foi ona ia faia e amata atu i le aso 8 o Setema ma ua iai nei Amerika ma Kanata i se taua tau fefaataua’iga.
Fai mai Carney latou te lē taliaina mea o loo ofo ane e Amerika ma o le a o latou lē tuuina foi iai le mea o loo manana’o ai.
O le itu e faamauina i le lipoti lea o le lagolago a ta’ita’i o isi vaega faaupufai a Kanata i le finagalo faaalia o le latou Palemia i lea matāupu.
Puna o Faamatalaga: https://www.bbc.com/news/articles/cx272np7vgyo
Comments
Loading comments…