O loo faagasolo nei le suesuega a leoleo i le maliu o se alii ina ua pueina e leoleo i Melepone.

Ua lipotia mai e leoleo na valaau ane latou i lipoti o se tagata e foliga ua aafia i se fualaau faasāina ma o loo faaaupegaina i se pou laupapa ma o loo iai i se vaega o Morrison St i Kilsyth poo le ta o le 11 i le po.

E faapea se faamatalaga o se leoleo ofu savili ma se tasi tagata na o la taofiofia le tagata lea se’i oo ina taunuu atu leoleo.

Ua faailoa foi i lipoti e 39 ona tausaga ma sa taumafai iai galuega laveai ma tau faamānava i le masini.

Na faavave atu i le falemai mo togafitiga peitai e lei manuia ma maliu ai i le ‘afa o le 6 i le taeao analeila.

O loo faagasolo pea le suesuega ma le tuufaatasia o se lipoti mo le coroner.