Na lē mafai ona foi ane nisi i o latou aiga anapo ona o le tapunia pea o auala i Waikanae e mafua mai i laau to’ulu ma palapala solo.

E oo mai lava anapo o aafia femalaga’iga i le tele o vaega o le atunuu ona o uiga loulouā o le tau.

I lipoti anapo mai le Kapiti Coast District Council, o le malolosi o savili ma le tele o laau to’ulu na tapunia ai le tele o auala ma ona o le lē saogalemu na lē faaauauina ai le tele o galuega faamamā na fuafua mo ananafi.
I Waikanae lava, tuufaatasia tala fou o loo motusia pea le eletise i le tele o fale o aiga.

I le South Island ta’ua mai le tapunia o nisi o aoga ona o le malosi o le aisa, ma i faamaoniga mai le matagaluega o aoga, e 12 aoga na lē mafai ona tatala.

I Aukilani e faalima lelei ona tapunia le auala laupapa a le Harbour Bridge ananafi e ese ai le tele o isi auala na aafia.

I lipoti o le tau e foliga mai o le a faalogoina pea uiga loulouā o le tau i le itu i Saute o le atunuu i le asō ma nai aso o lenei vaiaso.