Fai mai le minisita o le soifua maloloinaa niu sila Chris Hipkins e le’I logoina atu ia ile fuafuaga e toe faaitiitia ai le numera o nofoaga e faia ai test o le koviti 19 I Aukilani.
Muamua sa iai le tusa ma le 20 o testing centres mo le koviti I le aai aemaise I le taimi o le malosi o le pepesi o le faamai peitai ole tele o nei nofoaga ua tapunia uma I letaimi nei.
Fai mai Hipkins sa ia suesueina le suiga lea mae manatu ia e tatau lava ona tumau pea ona avanoa nofoaga faapea mo le suesueina ai ole mamalu o le atunuu, ma e lei logoina o ia I lea fuafuaga ma o le a talanoa ai I le Pulega a le Matagaluega I lea tulaga.
O loo taua I lipoti a le Leitio a niusila na iai tagata na tau saili se nofoaga e fai ai se suega poo le test ole faamai I le faaiuga o le vaiaso. O nisi e lei maua se avanoa I le fomai ona sa tapunia ma e lei maua se falemai faalotoifale e tatala I le aso Sa.
O I tonu ua faailoa ai e le minisita ole tulaga e tatau ona iai e ao ona avanoa nofoaga nei I soo se taimi e manaomia ai e le tagata ona fai se siaki poo aafia I le koviti. Ise lipoti lata mai o le koviti e nao le tasi le tagata ua faamauina ua aafia I Niu Sila I le aso ile koviti 19. Ua faailoa mai o le tagata na taunuu mai I le aso 7 o Oketopa mai Kenya ui mai I Dubai ma ave atu ai I se nofoaga faanofoesea ai I Aukilani e pei ona faamaonia mai e le matagaluega o le soifua maloloina. E le o iai ni cases poo nisi ua aafia mai mai le komiuniti
