nz police

Le lava leoleo I Napier

E le o lava leoleo I Napier ma ua sau ai ma le talosaga a le pulenuu mo se fesoasoani

O lea ua tusi le pulenuu, Kirsten Wise I le minisita o leoleo, Poto Williams e tusa ma tala a le leitio Niu Sila e faailoa iai ao faatetele faiga a kegi I Hawke’s Bay ua sau ai ma le popolega o le utiuti o le aufaigaluega e puipuia le komiuniti

O se talosaga o loo faaluaina foi e le faipule o Hawke’s Bay, Louise Upston o le National lea e faapea na ia faaoo foi lona popolega I le saogalemu o le komiuniti ona o le le lava o leoleo

O lenei mataupu ua faaali finagalo ai foi ma se tasi o sui o le ofisa, o se mataupu e le na o leoleo o iai le tali, o le galuega fai faatasi foi ma le komiuniti

Ae mai le peresetene o leoleo Chris Cahill, e le na o kegi lea e alu ai taimi o le ofisa, o le toatele o I latou e nonofo I faletalimalo totogi e le malo lea foi e pisi ai ma leoleo I mataupu e aliae mai I nei nofoaga

O loo galulue nei le ofisa e le gata I auala e leo ai le komiuniti ae faapea foi le saogalemu o le aufaigaluega

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required