E le o mautinoa e le uafu I Aikilani pe uma ona kilia le tele o oloa mai fafo a pisisini e le I taina le xmas
E le tasi se mafuaaga ua faatuai ai ona kilia le tele o containers o oloa a pisinisi mai fafo
Saunoa le sui o le pulega a le uafu, White Ball, o le a matuai faigata I le uafu ona taumafai e kilia le tele o oloa ae le I ta le kerisimasi, ma e le tasi se mafuaaga ua tele ai oloa ua leva ona taunuu peitai e le I oo iai suesuega a le uafu
Na ia taua foi e oo atu I le 50 tagata faigaluega o loo moomia, ma o loo galulue nei ma le matagaluega o femalagaiga faapea ai le immigration aua visa mo tagata faigaluega fou o loo iai le tomai e galulue ai I NZ
Ese mai I tagata faigaluega, o se tausaga ese foi lenei I le tele o oloa ua vave taunuu mai, peitai ua le tutusa lea ma le aufaigaluega faapea ai masini o loo faaaogainga
Ao taliga ai la pisinisi ia latou oloa, ua faaalia ai e le pule sili o le Auckland Chamber of Commerce, Micharl Barnett I tala a le leitio nz, ua avea ma popolega I le lumanai o le tele o pisinisi ona o le faatuai ona maua o oloa mo lenei vaitau pisi o faatauga, ma e foliga mai ai foi o le a aafia ai ma le tele o pau mo faatauga a tagata lautele mo aso faapitoa e pei o le Black Friday faapea le Boxing Day
I ripoti o nisi o containers o lea ua auina atu I le uafu I Tauranga e fesoasoani ai I le tau kiliaina, peitai e ono oo atu I le 12 aso e faagasolo ai suesuega faatoa mafai ai ona toe aumaia I luga I Aukilani, ma e foliga mai ai e le o se tali lea o le faafitauli O le aso o le a feiloai ai pulega o le uafu a Aukilani ma le vaega o tiute e talanoa poo le a se isi laasaga mo le agai I luma, ma e foliga ma o le utiuti o tagata faigaluega o loo laualuga I le fonotaga I le aso
