O loo fesiligia e tagata su’esu’e pe faafefea ona vave le pepesi o le monkeypox lea ua maua e le tele o atunuu.
O le fesili o loo fesili ai le polofesa o le Iunivesite o Canterbury, Arindam Basu e pei ona lipotia e le Newshub, pe aisea ua mamao ai lona pepesi ae o loo fesootai uma.
O le monkeypox o se faama’i e lē malosi lona pipisi e pei o le coronavirus e tusa ma faamatalaga a tagata su’esu’e, ma e maua mai fesoota’iga i le va o tagata soifua ma meaola peitai e fou le pipisi i le va o tagata.
E oo mai i le faai’uga o le vaiaso talu ai ua 92 cases mautinoa ma le 28 cases masalomia ua lipotia mai i atunuu e 12.
O le fesili faamata e ono oo mai i Niu Sila, o le tali a Basu, ioe e mafai auā o lea ua toe tatala faitotoa i atunuu i fafo ma e ono umi se taimi faatoa alia’e.
