Tetee Niu Sila ile faaaliga o meatau a Korea I Matu fai mai le atunuu o lea faiga ua faamatau ai le tulaga tau le puipuiga i lea itulagi. I se faaaliga mai le matagaluega o le a I fafo ma fefaatauaiga ua tusia ai e le matagaluega I le vaiaso nei o lea gaioiga a Korea I Matu ua atili oia ai tuutuuga a le Security Council a malo aufaatasi, tuutuuga o loo valaau ai ia Korea I matu mo le faamuta o ana polokalame o meatau niukilia.
O le faaauau pea ona faia o a latou faataitaiga o se faamatau lea ile puipuiga o le itulagi ma o se popolega foi lea ia Niu Sila ma ana paaga I lenei faaitu, o le faamatalaga lea mai le matagaluega o le va I fafo. O ananafi lea o loo fetauaina na faailoa ai e Korea le manuia o nisi o ana faataitaiga sa faia o se hypersonic missile.
O ia ituaiga auupega pei ona taua e le lipoti e matuai saosaoa tele mae e le mailoa poo le a le vave e mafai ona gaosia ai e Korea I matu lea ituaiga auupega . O le faalua ai lea ona faatino lea tulaga, ole uluai missile na faataitai muamua ile masina o Setema tausaga talu ai.
