O nisi o alii iloga ile NRL ua o latou fesiligia ituaiga aiaiga o loo faatulaga nei I kalapu o loo aafia o latou sui ile koviti 19 ao lumanai ai le toe foi I toleniga, pre season training.

O le kalapu a le Brisbane Broncos na faamaonia ua toafa a latou tama taaalo ua aafia I le koviti ae o Canterbury  o loo iai foi a latou cases.

Taua e le ABC ose taumafaiga ina ia faaitiitia le pepesi o le faamai I tama taalo o le lakapi liki lea ua faia ai a latou siaki I aso taitasi , faasa mai nofoaga I totonu poo indoors e pei o papu ma kalapu ma faletifaga ma o loo iai foi aiaiga o loo faatulaga mo faatasiga I fale.

O nisi la o I latou iloga I le taaloga e pei o Lattrel Mitchell, Josh Addo Carr, Jack Wighton ma Jarome Luai o loo faailoa uma lo latou le fiafia I luga o le Instagram.

I Amerika ile vaiaso nei ua faailoa mai ai o le toatele o kalapu ile NBA ua toatele tama taaalo ua le avanoa ona o aafiaga tau le soifua maloloina ma ua faamalosia ai le toe tolopo o le silia ma le 10 o taaloga I le masina talu ai.