Ua lē fiafia le to’atele o le ‘aufaatau i le falaoa a le Helgas ina ua maua se faamatalaga e faatatau i se faalauiloa a le Brand lea sa faia na mālō ai se ulugalii mai Kuiniselani i le faailoga e afe tala sa faasalalauina i le latou faapitoa peitai e le’i maua ane lava se tupe e si ulugalii.
Lipotia i le 9News o le ulugalii na malo i le afe tala e penisiona uma ma fai mai le la faamatalaga ina ua o la iloa o la’ua ua mālō, o lo la manatu ua telē tele lea tupe ma o le a tele ni a la faatauga e faia ai.
Peitai e oo mai i le asō e lei maua lava se tala o lea tupe ina ua faailoa ane e le kamupani e iai se faaletonu sa tula’i mai i le upega tafa’ilagi a le kamupani ma o le a lē maua ai le afe tala ae na o le 100 tala.
Faailoa e se sooupu a le Helgas latou te malamalama i le lē fiafia o tagata na aafia ma e faatoese ai i lea faaletonu ma ua o latou faafesoota’ia i latou uma sa aofia i le faapitoa loa e ofo iai ni vouchers ta’i 100 tala ona o lea faaletonu.
Fai mai nisi ua uma ai ma le toe fia faatauina o se falaoa a Helgas pe afai o le faiga lea o a latou faapitoa.
Puna o Faamatalaga: https://9now.nine.com.au/a-current-affair/helgas-customers-disappointed-after-major-aussie-bread-brands-competition-bungle/97d4a388-705b-425c-88b7-36d02b9ec238
