I le pepa o faamatalaga mai le ofisa o le palemia ma le kapeneta I Samoa ua faailoa ai le teena le le faamaoniaina e le Matagaluega o tupe maua ma tiute poo le Ministry of Customs and Revenue o faamatalaga sa agiga I luga ole facebook e faatatau I ni lapisi puipuia confidential rubbish sa maua I le nofoaga e lafoai ai le otaota I Tafaigata.
Ole faamatalaga mai le Matagaluega ua taua ai o nei pepa ua avea ma lapisi ina ua maea galuega eseese sa faaaogaina ai ma ele manaomia ona teuina I faila o faamaumauga a le Matagaluega ma faasee atu ai e avea ma lapisi puipuia ma o tulaga faapea ua faapitoa se faiga faavae e lima taitaiina ai le Matagaluega mole tiaiina male faaoagaina o lapisi puipuia uma.
Ole faasilasilaga faalauaitele mai le Matagaluega ua taua ai na auai atu sui o le matagaluega I le aso tofi na tea nei e lafoai ma molimauina ai le tanuina o taga lapisi e 10 i le nofoaga I Tafaigata faatoa tuumuliai le aufaigaluega.
Ua taua e le Matagaluega le itu e faanoanoa ai ona e masalomia na toe eliina ma aveesea mai ia lapisi faasolitulafono mai Tafaigata ma tuuina ai loa ata I luga o le facebook.
O le faasalalauga I luga o le facebook sa pueina ai ni ata o ia pepa ma se faamatalaga ua fesiligia ai pe aisea ua lafoai ai ia pepa a le malo. Fai mai le ofisa sili o le Pulega a le Matagaluega, Matafeo Avalisa Viali Fautuaalii ua tuuina atu foi se tagi aloaia I le matagaluega o leoleo mo le faia o suesuega I lenei mataupu.
