Lē faaauauina taaloga a le Lakapi Samoa ona o puipuiga mai le Koviti

Ua faamaamulu le pulega o le Lakapi Samoa mai le faaauauina o polokalame o loo totoe mo taaloga faavaomalo a le au tele a le Manu Samoa faapea le au lakapi taitoa fitu a le atunuu mo le masina fou o Novema e oo i le amataga o Tesema.

Ua afua lea ua tulaga ona ua faataua le puipuiga o Samoa mai le faama’i o le Koviti 19 lea o loo aafia ai le lalolagi atoa aemaise foi o le saogalemu o tama taaalo. 

Ua faailoa i se pepa o faasalalauga e le Ofisa Sili o le Lakapi Samoa le susuga Faleomavaega Vincent Fepuleai “O le toe siitia o aiaiga o puipuiga o le atunuu mai le Matagaluega o le Soifua Maloloina o se isi lea o itu taua i le silasila a le Pulega”.

O le aiaiga sili ona taua o le 6 masina talu ona aafia se tagata i le faama’i e lē mafai ai ona ulufale mai i le atunuu pe a lē mautinoa lelei ua le’o toe aafia i auga o le faama’i. 

O atugaluga o le faiaoga ulu le susuga Vaovasamanaia Seilala Mapusua o le a motusia le tulaga faaauau pea o le auai o Samoa i tausi uiga faavaomalo peitai ua ia talia le faaiuga ona ua ave lana faamuamua i le puipuiga o tama taaalo faapea le puipuiga o le atunuu atoa mai le faama’i o le Koviti19.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required