Lē auai Tuilaepa i le manatu e toe faia se aso malōlō mo le Anzac Day

Ua iai se manatu o le Sui Palemia Tuala Tevaga Iosefo Ponifasio e tatau ona toe faamamalu le faia o le Aso Malōlō mo le Anzac Day poo le Aso faapitoa mo fitafita na maliliu i le taua ma e tele ina faamanatu i le Aso 25 o Aperila peitai lea na aveese e le faigamalo na tuanai atu nei.

O lea manatu a le Sui Palemia na ia faamaonia i le Samoa Observer o loo tapena se talosaga e tuu atu i le Kapeneta ina ia toe faia le Aso Malōlō mo le Anzac Day, peitai o loo tumau pea le lē auai o le taitai o le Ituagai i lea faaiuga. 

Taua e Tuilaepa Lupesoliai Sailele Malielegaoi o le mafuaaga na aveese ai e lana faigamalo le Aso Malōlō mo le Anzac Day ona o le tele o talosaga a le au faipisinisi a le atunuu ua tele tele Aso Malōlō ua aafia ai ma le faagaioiga o pisinisi. 

O lea faaiuga a le faigamalo ua tea nei na pasia ai lea teuteuga i le tausaga e 2007 ma i le tausaga na sosoo ai na uluai faamanatu ai loa e Samoa lea Aso Faapitoa mo le taimi muamua e aunoa ma se aso malōlō.

Taua e Tuilaepa i lana feiloaiga ma tusitala i le Aso Tofi “E le’i faapea na matou faia lea faaiuga e aunoa ma ni mafuaaga tatau ona o le tele o faaseā ma faitioga mai pisinisi i le tele o aso malōlō a le atunuu ma talosaga ai i le Mālō ina ia toe iloilo nisi o aso malōlō ona ua aafia ai pisinisi “.

Toe faamanino e Tuilaepa e taua tele le lelei o faigapaaga a le Mālō ma tagata faipisinisi aemaise o pisinisi tumaoti ma o le fesoasoani foi a le Mālō le iloa o manaoga o tagata ina ia tumau ai pea faigapaaga lelei. E le gata i lea e le’i aafia ai le faamanatuina o le Aso faapitoa i le aveese ai o le aso malolo na faatino lava faiga masani e ala i le lotu taeao ma faamamalu e le atunuu atoa pau le suiga o le aveese o le Aso Malōlō.

E pei ona silafia o le Sui Palemia o se tasi sa avea ma fitafita o le Army a Niu Sila ma o loo avea nei ma Peresetene o le Returned Services Association. O lana finau ina ia toe faafoi mai le Aso Malōlō mo le Aso Faapitoa moni latou na maliliu i le taua. 

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required