O le Minisita o le Puipuiga a Ausetalia o Richard Marles lea o le a auai atu i le fonotaga a le NATO i le vaiaso fou e fai ma sui o Ausetalia ma o se faaiuga ua alia’e ai ni faitioga faasaga i le alii Palemia, Athony Albanese.
O Ausetalia e lē o se sui o le NATO ae e faamauina o se observer ma e iai lana matafaioi i le faatumauina o le nofo filemu ma le puipuiga i paaga a le NATO.
O le ta’ita’i o le Itu Agai, Peter Dutton ua ia ta’ua e lē lagolagoina lea faai’uga, peitai fai mai Albanese o le faai’uga ua mae’a ona faia ma o le Minisita o le Puipuiga o le a fai ma sui, o ia foi o le Sui Palemia.
O le fonotaga lea ua fuafua e tagofia ai mataupu faavaomalo e aofia ai ma le osofaia e Lusia o Ukraine aemaise le taua i Gaza.
Puna o Faamatalaga: https://www.9news.com.au/national/nato-summit-anthony-albanese-defends-decision-to-not-attend/294599dd-e61b-4ebe-adf2-7db99442d01c
