O lea ua tau ataata mai ni faamatalaga mai se faalavelave i Sini na maliliu ai ni tagata se toalua ina ua lavevea i se train la’upasese i le asō.
Fai mai leoleo o se alii ma se tamaitai sa taumafai e aveese mai ni meatotino sa i luga o le auala o le train i Berowra.
O le tea laitiiti o le 12 i le po anapo na valaau ane ai leoleo i le faalavelave lenei e talitonu le 9News o le alii e 20 tausaga na taumafai e fesoasoani atu i se tamaitai pe ā ma le 30 tausaga ae lavevea faatasi ai i le train.
Na faia togafitiga e paramedics peitai e lei faasaoina i laua ma e lē o mafai ona faailoaina mai poo ai tonu i laua ua maliliu.
O loo faaauau le suesuega.
O le tala a leoleo e talitonu e masani i laua ia ma e folliga sa taumafai e aveese mai se meatotino sa pa’ū agai i luga o tracks.
Pe ā ma le 2 itula o taofia malaga i le va o Hornsby ma Gosford a o faia suesuega a leoleo.
