vaccinate

Lavea tagata matutua o Aukilani I Saute I le lisi o tagata e faamuamua I le tui

Ua manino mai I fuafuaga a le malo le lisi o tagata o le a faamuamua I tui o le Koviti, ao tapena ai le faasooina o le 2 miliona tagata I totonu o le 3 I le 4 masina o I luma

E 4 kulupu ua vaevaeina iai, ma o loo lavea I le lisi o tagata e faamuamua tagata matutua o Aukilani I Saute, tagata matutua o loo I nofoaga faapitoa mo tagata matutua patino lea I tagata Maori ma Pasefika faapea ai tagata faigaluega I tuaoi

O le faaiuga o le masina nei o loo fuafua o le a amata faia ai tui o tagata matutua e iai aafiaga tau I le soifua maloloina ae e I luga atu o le 65 tausaga o Auklani I Saute, e pei ona saunoa le minisita o le Koviti, Chris Hipkins, a’o isi uma tagata matutua silia ma le tai 65 tausaga o Niu Sila, e faatoa amata faia tui ia Me

Ae mo le loaloa o tagata o Aukilani I Saute e le o galulue I galuega e maualuga le ono lamatia o soifua I le vairusi, e faatoa mau avanoa uma I le kulupu mulimuli lea e faia uma ai tui o tagata o totoe o le atunuu amata mai ia Iulai

E oo mai ananafi pe tusa ma le 18,000 tagata faigaluega I tuaoi ma o latou aiga ua maea faia o latou tui

LAUILOA

Keep uptodate with Radio Samoa activity & promotion

* indicates required