Maliliu se ulugalii laiti ma le la pepe ina ua lavea le vaalele laititi na malaga ane ai i le itu i Matu o Kuiniselani.
O loo mafatia aiga o si alii pailate o Rhiley Kuhrt ma lona toalua o Maree lea e maitaga ona o le faalavelave ua tulai mai.
O le vaalele na pa’ū i le Clarke Ranges ma maliliu ai. Ua faailoa i lipoti a le 9News o le pailate o le atalii o se leoleo ma faatoa ono masina talu ona mae’a le la faaipoipoga.
Na faatoa iloa le vaalele ua lavea i le mae’a o le 15 itula ina ua iloa atu e se isi helicopter ma ua faailoa e ono oo atu i le tolu aso faatoa mafai ona aveese mai tino maliliu mai lea nofoaga ona e fai si faigata o le ala agai atu iai.
O loo faia suesuega i le mafuaaga o le faalavelave.
