E toatasi le tagata o loo tigaina mai le faalavelave tau taavale na tulai mai i Epsom i Aukilani i le taeao ananafi.
O le faalavelave tau taavale e aofia ai se pasi na aafia ai se tagata na kolosi ane i le alatele i le fetaulaiga ala i Gillies ma Alpers avenue.
Na aveina atu lē ua aafia i le falemai mo togafitiga e pei ona faamaonia mai e le aufaigaluega a le St Johns.
O loo faatino nei iai suesuega a le vaega e feagai ma le suesueina o faalavelave matuiā ma ua tapunia ai se vaega o le alatele lea ma fautuaina le aufaitaavale o loo faatuai femalagaa’iga i le pito lea ma ia alofia.
O nisi faamatalaga na maua e talafou ma o loo faatalia se faamaoniga mai leoleo e faapea o le tagata lea na kolosi ane i le alatele i luma tonu o le pasi ma aafia ai ona ua tuai ona toe taofi vave le pasi.
Comments
Loading comments…