O le tagata e to’atasi na faasaoina mai i le faalavelave tau taavale i Timaru na maliliu ai talavou e to’alima i le tausaga talu ai ua lauina nei lona faasalaga i le faamasinoga i le asō ma e lua tausaga ma le ono masina e falepuipui ai.
O le faamasinoga maualuga i Timaru ua faailoa ai i le asō i le alii o Tyreese Fleming 19 tausaga lona faasalaga i moliaga e lima o le fasioti tagata pa’ivalea. O i latou na maliliu o talavou o Javarney Drummond 15 tausaga, Niko Hill e 15 tausaga, Jack Wallace 16 tausaga, Joseff McCathy 16 tausaga ma Andrew Goodger 15 tausaga. Na maliliu uma ina ua lavea le taavale na malaga atu ai faafoe e le alii ua lauina nei le i’uga.
Lipotia e le One News o loimata maligi ma lagona o le faanoanoa na molimauina i le asō i le potu faamasino ina ua lauina le i’uga atoa ai ma faamatalaga mai aiga o i latou ua maliliu. Na faailoa e le loia a Fleming o le a auai lea alii i se campaign mo le saogalemu i luga o alatetele ma totogi se vaegatupe e 20 afe pe afai e tuli le faasalaga i lona aiga ma faailoa foi lona salamō ma faatoese ai i aiga uma o i latou ua aafia.
Vaofilifili & Le Soga
Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega o
