Lau iuga o nisi o alii na ave faamalosia se tagata

E le itiiti ifo I le tai 10 tausaga I le falepuipui le faaiuga ua tuuina ane nei e le faamasinoga I ni alii se toalua na falepuipui nei ona o lo la aafiaga I se mataupu na ave faamalosia ai se tagata ma faatigaina mo le silia I le 12 itula. Faamatala mai I le lipoti I le aso o manuaga o lea tagata efai si ogaoga, faapea na tafana ona vae tulou ma ua afaina foi vaega o lona tino foliga na mu ao saisai ma taofia e I latou na faatinoina lenei solitulafono.

O loo lipotia o I latou na osofaia lea tagata e talitonu na ia gaoia le faitau afe o tupe mai seisi tagata ma ia faaoo foi ni manuaga I lea tagata ina ia tau ane le vaega o iai le tupe. O le mataupu lenei na pueina ai e leoleo ni alii se toalima ile masina o Novema tausaga talu ai. O le toalua o I latou ia o loo taua mai suafa ile herald o Henry Enoka Kea ma Liam Hourigan lea na lauina I le aso iuga I le faamasinoga maualuga I aukilani. O nisi  o moliaga o I laua ia e aofia ai le ave faamalosi o se tagata, gaoi faaaupegaina ma le umia faasolitulafono o le auupega. Faalia e le faamasino e fai si ogaoga o sauaga na faatino I lenei mataupu. O leisi toatolu o loo tetee I moliaga ma o le a tutulai I le faamasinoga maualluga I Aukilani I le tausaga fou. O faasalaga o Hourigan e 12 tausaga ma le 7 masina ile falepuipui ao Kea e 10 tausaga ma le 6 masina. E tatau ona tuli ia ausia le afa o o la faasalaga faatoa mafai ona avanoa mo le tatala I tua I le palola. O faasalaga o loo aofia ai ma isi mataupu na aafia ai foi muamua I le tulafono

Keep uptodate with Radio Samoa activity & promotion

* indicates required