Lata i le to’a afe tagata faigaluega faavaitaimi i le Pasefika ua aafia i le Koviti i Ausetalia

O le toe malosi ai o le pipisi o le faama’i o le Koviti19 i le vairusi o le Omicron ua faailoa ai e le Ofisa Sili o le Matagaluega o Atinae, Alamanuia ma Leipa lea o loo iai le vaaia o le polokalame o avanoa mo galuega faavaitaimi i le atunuu le oo atu o le aofaiga o tagata faigaluega faavaitaimi mai le Pasefika ua aafia i le faama’i i le silia ma le to’a afe.

I lea fainumera ua aofia ai ma tagata faigaluega faavaitaimi mai Samoa a itiiti mai e to’a 100 ua maua foi i le faama’i. O le taimi nei e lē mafai ona malaga se tasi mai le atunuu mo nei galuega pe a lē faamalieina aiaiga o puipuiga o le faama’i e pei ona tatau ona atoa lelei o tui puipui e lua. 

Ua faaalia e le Ofisa Sili o lenei Matagaluega a le Mālō le susuga Pulotu ChuLing e leai se mea e faapopoleina ai aiga o tagata faigaluega faavaitaimi ua aafia i le koviti19 o latou tagata a’o nonofo valavala ai ona o ia galuega i Niu Sila ma Ausetalia. 

Taua e Pulotu “O le mea la lena e faafetai ai i le Atua a maua le tagata ua uma ona tui e lē maua i symptoms ia o le ma’i, ae a test a e positive e isolate lava, tusa o le mea lena o loo fai, so roughly a o le Pasefika atoa ua latalata i le afe, mai le afe lena o tatou e masalo e 100 ma ona tupu, ma o loo faia pea tui ma siaki afai ae toe manuia ona toe foi lea e faigaluega.”

Na faafetai ai foi e Pulotu aiga o i latou o loo i Ausetalia ma aafia i le faama’i i le lava papale ma le onosai ma na faamanino ai foi le taua tele o faatinoga o loo iai femalagaiga a le atunuu o le faataua o le faia o tui e faaititia ai le tulaga popole pe a tulai mai vaega faapea.

O le faaiuga o le vaiaso nei o le a tuua ai le atunuu e le isi aumalaga o tagata faigaluega faavaitaimi mo Ausetalia ma e iai le talitonuga o le uluai malaga lea mo le tausaga 2022.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required