E tele aano o manufasi na lafoai i bins o loo faaaogā e tagata lautele e lafoai ai otaota i Kalaiesetete.
I vaiaso e lei mamao atu na faalausosoo ai ona maua le tele o aano o manufasi i totonu o bin lapisi, ma o le taimi muamua e tusa ma le 220 kilokalama le mamafa, ae o le isi aso e tusa ma le 200.
O le amataga o le vaiaso nei na toe maua ai le 14 taga pepa o loo iai aano o manufasi o loo iai le 250 kilokalama ua lafoai.
E le o mautinoa e tusa ma tala mai le Council a Kalaiesetete pe maifea, ae poo ni aano o manufasi lafoai a se pisinisi.
Afai ae o se pisinisi o loo iai masalosaloga o loo taumafai e alo mai le totogiina o dumping fees, poo le tau e lafoai ai otaota.
O lapisi lafoai o loo faia faasolitulafono, ua fai mai le Council a Kalaiesetete e fesootai atu i le telefoni pe a silafia.
