Search
Photo Credit: Stuff NZ

Lapataiga mai le pulega o le suavai a Ueligitone ma le talosaga e sii tupe o le paketi

E lē o lava tupe o le paketi a le Council a Ueligitone e faaleleia ai auaunaga tau suavai, ma a alualu ai lava faapea e ono oo atu ai i le silia ma le afe ogapaipa liki i le tausaga.

O le malaevaalele i Ueligitone lea ua sau i lipoti o loo maualuga le lamatia ona ua elea ogapaipa, ma e ono aafia le malaevaalele faapea Kilbirnie i taimi e timuga ai, ona o le ono liki o paipa o loo alu iai otaota o falelēta’ua.

A o tapena le paketi 10 tausaga a le Council a Ueligitone poo lana Long Term Plan, o lea ua faailoa mai e le pulega o le suavai le Wellington Water e lē o lava tupe, ma tusa lava foi pe tuu i luga i le $50.5 miliona e tau atu ai ma le alu i luga o tau o auaunaga, e lē gafatia lava.

O le fautuaga ua aumai e le pulega o le suavai o le tuu i luga i le $66.2 miliona le paketi.

Mai le Council o lea ua faaaogā fautuaga a le pulega o le suavai e fau ai manatu mo le fonotaga a councillors lea e faia i le masina fou.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required