Ua fautuaina tagata i WA poo Western Australia aemaise le aufaitogalaau ina ia faaeteete i le siama poo le faama’i o le legionnaires’ disease a o amata mālie mai le spring poo le tau e totogo a’e ai laau.
O le fautuaga ua tuuina mai i le taimi e mātele ina aga’i ai i latou e fiafia e fai togalaau, ina ia totō ma toe faatulaga pālaau ina o le a uumi foi taimi e ao ai.
Ua fautuaina ai e le soifua mālōlōina e ao ona faaeteete i le siitia o le lamatiaga mai le siama lea ona e ogaoga ona aafiaga aemaise i le pneumonia e mafai ona aafia ai pe a mānavaina le pefu mai lea siama e mātele ina maua i meafaitogalaau, faapea taga o potting mix, palapala ma faapala e faia e pei ona faailoa e le matagaluega o le soifua mālōlōina.
Ua ta’ua ai foi ma se isi ituaiga siama, le legionella pneumophila lea e faaleagaina ai le vai i nofoaga e pei o air conditions, vaitā’ele ma ulupaipa.
O le tele o le faaaogāina o oloa e aofia ai palapala, o le tele lea o le lamatiaga ma o āuga o lea faa’ī e tai pei lava o le flu ae tigaina atu, e aofia ai le fiva, tiga o maso ma sooga o le tino, tale ae mago, tiga tutui le ulu, lēlavā, lē fia tausami ma tau lē au le mānava.
Puna o Faamatalaga: https://7news.com.au/news/wa-health-department-warns-gardeners-about-legionnaires-disease-risk-ahead-of-spring-c-15911789
