O loo iai se lapataiga mo i latou e fiafia e faamālū i matafaga ma taelega i Sini i le mae’a o timuga tetele na aafia ai le aai.

Fai mai lapataiga e tele alavai sa faatumulia i le taimi o timuga ia mai le faai’uga o le vaiaso ma faaleagaina ai le suavai mamā i nisi vaega ma ono aafia ai nisi o vaega ia e mātele ina agai iai taelega.

O le faaaliga e mai le faigamalo a NSW ma fautuaina tagata ia silasila i faailo ua tuuina i nofoaga o loo masalomia le aafia aemaise ia mata’itu le otaota, o alavai ua aafia ma le ese o le lanu o le suavai.

E fautuaina le faatuai o taelega seia toe mautinoa le mamā ma saogalemu.

Puna o Faamatalaga: https://7news.com.au/news/avoid-swimming-pollution-warning-for-dozens-of-popular-sydney-beaches-and-baths-after-major-rainfall-c-14886925