Ua tuuina atu nei e leoleo le lapataiga aloaia I se tama na faia lava la latou sauniga lotu I le Aso Sa

E tusa ma faamaoniga mai le ofisa o leoleo I Manukau, o lea na faaoo ane ripoti I le ofisa e tusa ma tagata na faatasitasi I se tasi o fale I Sasae o Magele mo la latou sauniga lotu I le Aso Sa, ma e faapea o le toatele o I latou nei e le o nonofo I lea fale

Na faatalanoa e leoleo lea tama e tusa ma le le usitaia o tapu o loo sau ma le lapataiga vaega 3, atoa ai ma le maualuga o le aafia o le komiuniti ao tau taofiofi ai le pepesi o le vairusi

Ua faaalia ai e leoleo o loo faaauau pea ona o latou tulimataia I latou e le o usitaia tapu ua iai nei.