14 itula le uumi o sifi o loo galulue ai le aufaigaluega a St John aemaise lava i latou o loo feoai i ambulance. 

Lipoti a le TV1 ua faaalia ai e se tasi e lē o finagalo e faailoa le lagona o le lē lavā e mafua mai i le uumi o itula faigaluega, ma le pisi e lē mafaatusalia. 

250 valaau i le aso e faaoo atu mo taavale ambulance, ma i lipoti e iai le gasegase e lē o se ma’i tigaina na faatali mo le 14 itula. 

Mai le failautusi a le New Zealand Ambulance Association, Mark Quin, o le toatele o tagata faigaluega e maualuluga tomai ua tuua St John ae agai atu i isi galuega, ma e lē faapea la o totogi ae ona e lelei tuutuuga o galuega. 

O auaunaga nei a ambulance o loo momoli fua ai tagata ua faamaonia ua maua i le Koviti i  le falemai e aunoa ma se totogi, ma a o fesoasoani ai la i gasegase e lē o faigofie i le aufaigaluega. 

Ua toe augani mai ai St John i tagata e lē o iai i se tulaga ua matuai moomia vave ai le vaai o le foma’i e faafesootai muamua le foma’i faaleaiga poo le GP.