E iai le faamoemoe o nisi o le atunuu o loo aumau I le faaitu o Mt Albert afai e faamuta vavao o le a mafai ona o ane faatasi e faailoa le lagolago ma le mafatia I tulaga na aliae mai I lea faaitu I nai vaiaso ua tuanai atu ma faataua ai le lagolago I le itupa o tamaitai talu le faalavelave na aafia ai le soifua o Lena Zhang Harrap lea na lipotia atu muamua I Talafou.

Toatele sa lagona le le fiafia ma le ita I le Tulai mai o lenei faalavelave ma lagona foi le le saogalemu I lo latou faaitu talu ona pueina ma molia e leoleo se alii I lea faalavelave.

Fai mai molimau a I latou e aumau I lea itu ua ese faalogona talu mai lea faalavelave ma o loo talotalo ia aua nei toe aliae mai seisi tulaga faapea I lo latou faaitu.

Fai mai leoleo o loo faaauau foi ona faia suesuega ma faaaoga faamatalaga mai le atunuu e tusa ai o le suesuega I lenei mataupu.