O le Aso Tofi o le vaiaso nei na faailoa ai e le Sosaiete o Loia i Niu Sila (New Zealand Law Society) le latou lagolago i le Matagaluega o Faamasinoga i Samoa.
Taua e le Sosaiete talu ai ona o le tele o lafoga ua faia faasaga i le faamasinoga i Samoa ua a’e ai se manatu ina ia faaali lo latou lagolago i le galuega fītā o loo nafa ma faamasino i le taimi lenei o le lē maua o se faaiuga mautu mo se faigamalo e tulai mai e vaaia le atunuu.
E pei ona silafia i le iuga aloaia o faigapalota i le Aso 9 o Aperila na manino mai ai le ta’i 25 o sui manumalo a vaega faaupufai e lua, totoe ai lea o le sui tutoatasi le afioga ia Tuala Tevaga Ponifasio lea na ia filiiflia ai loa le FAST e agai iai.
O le tele o faaiuga na mulimuli mai lea na tulai mai ai le lē mautonu o le toatele ma agai ai i le faamasinoga.
Taua e le Peresetene o le Asosi Tiana Epati “e tatau ona usitaia aiaiga uma o malo faatemokarasi ae le gata i lea iuga ua tuuina atu e le faamasinoga e tatau ona tausisi iai”
“o le Faatuatuaina o le galuega tutoatasi a le faamasinoga ma faaaloalo i le tulafono (rule of law) e taua tele i malō faatemokarasi “
“O lona uiga o vaega faaupufai uma e tatau ona usitaia le tulafono ma faaiuga fai a le faamasinoga”
“While these are fundamental obligations imposed by statute in New Zealand, they are also obligations that apply equally to lawyers in Samoa.”
Taua foi e Tiana o a latou manatu faaalia faatatau i le tulaga ua iai Samoa ma lona atinaega i le taimi nei ua faaoo atu i le Matagaluega o le Va i Fafo a Niu Sila ( New Zealand’s Ministry of Foreign Affairs).
