Ua valaau e le Palemia fou o Kanata o Mark Carney le faia loa o le faigapalota a lona atunuu ina ua mae’a le fonotaga ma le Kovana Aoao o Mary Simon e talosaga ai le faatā’ape o le Palemene.
Fai mai Carney i le CNN ua ia talosaga i tagata Kanata mo se pulega e malosi ma faatuatuaina e feagai ma le Peresetene o Amerika, Donald Trump ma ia fausia se isi ituaiga tamaoaiga fou mo Kanata e lelei mo tagata uma ona ua matua’i mana’omia ni suiga.
O le faigapalota la a Kanata o le a faia i le aso 28 o Aperila ma o le a tauva ai Carney ma sui o le pati a le Conservatives lea e ta’ita’ia e Pierre Poillievre.
Na tula’i mai Carney e suitulaga ia Justin Trudeau sa faamavae ia Ianuari o le tausaga nei mai lona tofi ta’ita’i o le pati a le Liberal ma le Palemia foi o Kanata mo tausaga ua tuana’i.
Puna o Faamatalaga: https://edition.cnn.com/2025/03/23/americas/canada-mark-carney-election-intl-latam/index.html
