I taaloga ile maea ai o le latou uluai manumalo ile taamilosaga Super Rugby Pacific ile faaiuga o le vaiaso, ua faailoa mai nei tapenaga a le Moana Pasefika mo le latou taaloga lona lua I le aso a taeao lea e fetaui ai ma le au malosi a le Blues mai Aukilani.
Faailoa I lipoti a le RNZ e toa 11 tama taaalo o le uluai taimi lea o le a taaalo ai mo le au I le taaloga lea I le aso a taeao. E ui e nao le fa aso lea e va ai le latou taaloga talu ai ma le fetauiga ua faatulaga mo le aso a taeao ae toatele o loo tapuai pea ma le faamoemoe e toe faamanuiaina le taaloga a le Moana.
O se tasi alo o Samoa, Jack Lam lea ua faailoa I le lipoti o le uluai Samoa lea ua avea ma kapeteni ile moana pasifika ile taaloga lea.Ua faailoa foi ilea lava lipotia e iai foi suiga a le Blues ua faia I lana au na malo ia Highlanders I le faaiuga o le vaiaso ma e toafa foi alii ole uluai taimi lea ole a taaalo ai mo le Blues.
O le au a le Moana ua filifilia e aofia ai, Abraham Pole, Luteru Tolai, Joe Apikotoa, Michael Curry, Xavier Cowley Tuioti, Penitoa Finau, Alamanda Motuga, Jack Lam, Ereatara Enari, Linclon McClutchie, Anzelo Tuitavuki, Henry Taefu, Fine Inisi, Tomasi Alosio,D’Angelo Leuila.
Faaleoleo o Ray Niuia, Suetena Asomua, Chris Apoua, Alex McRobbie, Josh Kaifa, Manu Paea, Solomone Kata, Lolagi Visinia.