I le tausaga e 2017 na amata ona laumanu’ia ai se fuafuaga a le malo e fa’atino le faia o se pepa e iloagofie ai le tagata ma ona faamatalaga uma poo se National ID, o le iva lenei o tausaga talu mai lea fuafuaga, ae ua tino mai i le mae’a faalauiloa aloaia ai o lea fuafuaga.
O le faamoemoe o le National ID mai le amataga o tapenaga a le malo, ia iai se pepa e iloa gofie ai le tagata ua iai uma ona faamatalaga e pei o le aso na soifua mai ai, o lona nu’u, suafa ma le faa’iu moni, e fa’aaoga i so’o se auaunaga na te mana’omia, e le gata o le falema’i, laisene ave ta’avale ao isi auaunaga e manaomia ai le National ID.
O loo iai le fuafuaga e lē toe fa’aaogaina isi ID pe a umia e tagata uma le pepa e iloa gofie ai le tagata o loo tapena, lea ua fuafua o le ogatotonu o le tausaga fou 2027 e fa’agasolo ai le resitalaina o tagata uma mo le umia o lea ID.
O le auaunaga o le KV consultancy ua maua le konekarate e galulue ai ma le Ofisa o Numera Faamaumauina a le malo mo le fa’agaioia o lea galuega.
O le Minisita o lea auaunaga a le malo sa ia fa’alauiloa i se tulaga aloa’ia le fa’atinoina o le galuega i le vaiaso ua mavae.
Comments
Loading comments…