E iva fautasi ua sauni mo le sailia o le siamupini o tuuga fautasi a Amerika Samoa mo le faailogaina o le 124 tausaga o le Sisigafu’a a le teritori o lenei tausaga.
O le Aso Lulu i Samoa ae o le Aso Lua lea i Tutuila ma Manu’a o le a faia ai lea sailiga siamupini i le ta o le 9 i le taeao.
O Sa ua faapena ona faailoa le auai i lea faagatama i le tai o le Aeto mai Pago Pago, Paepaeulupoo mai Aua, Fealofani mai Fagasa, Manulele 2 mai Nuuuli, Lupelele mai Iliili, Manulele 1 mai Nuuuli, Matasaua mai Manu’a, Iseula mai Fagatogo, ma le fautasi o le Fuao mai Vatia.
O le Sa o Nuuuli le Manulele Tausala na sola ma le siamupini o le fu’a o le tausaga na tea nei 2023.
Manuia le tuuga fautasi Amerika Samoa.
