Faamaonia mai e Isaraelu ua o latou malilie i le taofia o fetauiga ma le Hezbollah ma ua faamaonia mai foi lea tulaga e le Peresetene o Amerika Joe Biden e faapea ua malilie Isaraelu ma Lepanona e faamuta vesiga.

O le mae’a o le palota na faia a le Kapeneta o Isaraelu i le aso ananafi i le mataupu lea lea ua faailoa mai ai loa lea maliega.

O loo faaauau pea vesiga i Gaza ma ua silia ma le 44 afe tagata ua maliliu fua i faamaumauga mai le matagaluega o le soifua mālōlōina a Palesitina.

E manatu nisi sui o le fale pa’epa’e a Amerika o loo aofia ai foi i ia feutana’iga o le taunuu o Isaraelu ma Lepanona i se maliega e faamuta ai fetauiga e maua ai foi ma se avanoa o se tulaga faapea mo Gaza.

O nisi vaega o le maliega e pei ona lipotia i le CNN ua ta’ua ai e tatau ia Isaraelu ona aveese uma mai ana vaega’au mai le itu i Saute o Lepanona ma e na o le pau le vaega’au e tatau ona iai pea i le itu i Saute o le atunuu lea, o le militeli a Lepanona ma vaega’au a Malo Aufaatasi e tausia le filemu.

Puna o Faamatalaga: https://edition.cnn.com/world/live-news/israel-hezbollah-ceasefire-deal-gaza-war-11-26-24-intl-hnk/index.html