Viliamu Tuigamala a'o agai mai ai i fafo ma le potu faamasino.
Viliamu Tuigamala a'o agai mai ai i fafo ma le potu faamasino.

Ioeina moliaga o le taufaasese ia i latou na fia malaga i Galuega Faavaitaimi

Tusia : Maina Vai

Ua ioeina e Joseph Lafaele poo Joe Lafaele ma Viliamu Tuigamala Faaleleiga moliaga e 13 o le taufaasese sa o la faia e ala lea i lo la aveina o le tai $300 mai tagata e 13 sa fia malaga mo galuega faavaitaimi. 

Na tolopo mai le mataupu lenei e toe valaau ai i le aso seia faamautu moliaga o i laua na faia lea solitulafono, atoa ai ma le vaavaai totoa o leoleo pe iai nisi e faaopoopo ia i laua ua molia sa faia faatasi lea soligatulafono. E leai se loia sa tulai mo laua nei ina ua la ioeina o la moliaga i le aso.

O le mataupu na tulai mai i le aso 28 o Setema, 2021 ina ua o’o atu le aumalaga lea sa fuafua i le po lava lea i le Malaevaalele i Faleolo mo le faigamalaga e pei o tuugatala  ma i laua ia i le faiga o pepa ma iloa ai e leai se faigamalaga o lea po. O le po lava lea na agai ai loa i latou ia i le ofisa o leoleo ma faaulu loa tagi nei faasaga ia i laua ua molia.

E ui i lapataiga e tele o loo tuuina mai pea e le Matagaluega o Alamanuia ma Leipa (MCIL) i le faiga o pepa malaga ma avanoa e mafai ai e o tatou tagata ona malaga ma galulue ai i atunuu i fafo, e  pei ona iai polokaame e lua i Ausetalia ma le polokalame ua leva lava ona iai i Niu Sila lea ua silia nei i le 15 tausaga talu ona amatalia.  E leo logosaia lava e lo tatou atunuu e ala lea i le tauafai ai o nisi e avea i latou ma e e faia pepa ma avanoa mo aumalaga.

O le Matagaluega o Alamanui ma Leipa pau lea o le matagaluega ua faatagaina ona latou faatautaia avanoa ma pepa malaga mo galuega faavaitaimi nei i fafo. O i laua ua ioeina nei o la moliaga ua faamaonia mai e le Matagaluega o Leoleo ina ua saisai atu i le masina ua tuanai ai e iai foi a la solitulafono muamua (previous convictions).

O loo ua talia nei la le faaiuga a le Faamasinoga ia i laua ia e pei ona o le a tolaulau ai i se aso o le masina o Tesema.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required